Miku im

Nëse një ditë loti syrin ta ka veshur
Më thirr,  ashtu sic je,  me lot në sy
Nuk të premtoj që do të të bëj për të qeshur
Por mund të qaj bashkë me ty

Nëse një ditë ke ndërmend të ikësh larg
Më thirr pa më të voglin dyshim
Që do të të ndaloj, fjalën nuk ta jap
Por bashkë me ty mund të marr arratinë

Nëse një ditë s'ke ëndje të flasësh me askënd
Të më thërrasësh mos ki drojë
Pranë teje qetësisht do të zë vënd
Do bisedojmë në heshtje, të premtoj.

Por nëse një ditë do të më thërrasësh
Dhe s'do marrësh përgjigje gjëkund
Me një frymë eja të më shohësh
Ndoshta ai që ka nevojë jam unë

Autor i panjohur

Shqipëroi nga Turqishtja
S.K.
(Saimir Kamberi © )

Me mua rri

Me dhe nje gonxhe
merre trendafilin
Me dhe nje fare
frutin merre ti
Me dhe nje dege
merre gjithe pyllin
Te dhashe boten time
me mua rri

Aziz Nesin

Shqip
S.K.

Si kjo jetë

Sikur dorën nuk ma pate lëshuar kurrë
Mungesën tënde në vetvete e besova
...............................................durova

Sikur nuk ka asnjë histori
me përfundim të trishtë
Fundin tonë të bukur e pandeha....
........nuk ishte i tillë

Moti po i ftoh mëngjeset
Këto ditë ti do kesh ftohtë,e di
Të lutem vishu trashë e bëj kujdes
dhe në mëndje stinën e verës sill

* * * * 

Ti je rebele, e pamëshirshme
Je hipokrite je e padrejtë
Dhe mëkatare dhe e pafajshme
Si kjo jetë ...........Si kjo jetë

Toygar Isikli

Shqip
S.K.
(Saimir Kamberi ©)

Permallim

Sa shume me le te pres.....sa shume
Fort mire ia mesove vetes vonimin
Erdhe pas shume kohesh me ne fund. Por une,
me shume se ty desha permallimin

Aziz Nesin

Shqip
S.K.
(Saimir Kamberi ©)

Po te pres

Po te pres flutur.
Eja ne nje kohe te tille qe,
te heq dore mos te jete e mundur.

Orhan Veli Kanik

Shqip
S.K.

Mire se vjen

Mire se vjen
Si ndjesia
qe te jep ne sup
krahu i prere
ishte mungesa
Mire se vjen
Largesia
zgjati shume
Mezi pritem
U permalluam..
Mire se vjen
Ne
Jemi sic na le
Pak me shume u aftesuam
me punet e veshtira
me ndarjen e se keqes nga e mira
Mire se vjen
Vendin e ke gati
Mire se vjen
Per te thene e per te degjuar
kemi mjaft
Por s'kemi kohe per aq shume fjale
Le te ecim pak...

Nazim Hikmet

Shqip
S.K.

Syri i mendjes

Ty, para se te te gjej,
dua te te kerkoj

Perpara se te te fal dashuri,
dua te te kuptoj

Me ty te mbyll nje jete
nuk me mjafton

Gjithmone, perseri
me ty dua ta filloj

Ozdemir Asaf

Shqip

S.K.

Pjesa më e bukur e të qënit me ty

E di cila është pjesa më e bukur e te qënit me ty?

Te ndjej afshin tënd thelle në brendësi

që pa ma prekur dorën, pëllëmbën ma djersit

E di cila është pjesa më e keqe e të qënit me ty?

Të flasim për orë të tëra për motin, për punën,

ndërkohe që për te thene “te dua” rishtas kafshoj gjuhën

E di cila është pjesa më emocionuese e të qënit me ty?

Me ty të qesh, të qaj, të mendoj……për të njëjtat gjëra……njëkohesisht

Madje dhe kur je pranë meje, të përmallohem cmendurisht.

E di cila është pjesa më e dhimbshme e të qënit me ty?

Me gjithë ato persona të huaj të të ndaj. Atë që me ty rri,

cdokënd që të flet, cdokënd që të qesh ta xhelozoj si fëmijë

E di cila është pjesa më lumturuese e të qënit me ty?

Të endemi rrugëve me frikën se mos na sheh njeri

Për inat të  cadrës ne dorë, te lagemi bashke ne shi

Me një buqetë lulesh të freskëta në vendtakimin tonë të të pres

Te hamë të njëjtat  gjëra në të njëjtin vend për mëngjes

E di cila është pjesa më romantike e të qënit me ty?

Ato që s’ti kisha thënë gjatë ditës, në netët pa ty, tua tregoj hënës dhe yjeve

Të të gjej në faqet e librit që po lexoj, në cdo varg kënge a poezie.

E di cila është pjesa më e veshtire e të qënit me ty?

Nga frika se mund të të humbas,

ato ndjenja që provova për herë të parë në jetë,

t’i burgos në një varkë pa rrema në detin e shpresës.

Në vend të të dashuruarve, të arrij të mbëtemi miq për vite me rradhe.

Të ec këmbëzbathur në tehun më të mprehtë

Kur më pikon zemra, në vend te kripës t’i hedh lotët e harresës

E di cila është pasoja anësore e të qënit me ty?

E ti nga mund ta dish…

Ti nuk ishe kurrë me mua

Po të kishe qenë, pëllëmba s’do më djersitej

Majën e gjuhës s’do kafshoja

Nga pranë nuk do të të përmalloja

Nuk do xhelozoja si fëmijë

S’do lagesha nëpër shi

Te ecja në rrugë nuk do kisha drojë

Hënën e yjet s’do t’i detyroja të më dëgjojnë

Pas cdo kënge nuk do dehesha

Nuk do kisha frikë të të humbisja,

Me këmbë përgjakur do ta kridhja në det frikën.

Dhe pas cdo rrahje zemre emrin tënd do thërrisja

Por ti me mua nuk ishe kurrë ….

Ose mendjen e kishe gjetkë ose zemrën.

Can Yucel

Shqip 

S.K.

Saimir Kamberi ©

Zoterim dhe perkatesi

Nuk duhet të lidhesh aq fort pas diçkaje
"Pa ty s'jetoj dot" s'do të thuash më
E nëse zemra ta kujton, ti gojën mbaje
Sepse rron që ç'ke me te.

Të tilla fjalë të mëdha t'i thuash s'ka nevoje
Shumë duhet ta duash, por më shumë jo
Më pak po të deshi, do të të lëndojë
Dhe në përgjithesi ndodh që më pak të do

Do kesh më pak dhimbje, nëse tepër s'do ta dashurosh
Po nuk zotërove shumë, pak kujt i përket
Madje dhe këmbët e duart shumë s'do ti zotërosh
Do sillesh sikur s'janë të tuat në të vërtetë

* * * *

Por nëse do të zotërosh diçka me patjetër
Aty ku takohet qielli me tokën kërko
Detin, diellin, yllin..........dhe atë yllin tjetër,
hënën dhe meteorin çapkën zotëro

* * * *

Nëse do patjetër diçkaje t'i përkasësh
Dorëzoja veten ngjyrave atëherë
Vishnjes, jeshiles, mimozës. Parajsës,
ose t'i përkasesh të bukurës Pranverë.

Ja pra kështu do ta jetosh jetën
Pa shumë zotërime, pa shumë përkatësi
Sikur nga çasti në çast do të të lërë vetëm....
Sikur do ish e jotja në pafundësi....


Can YUCEL

Shqip
S.K.

©

S'do kthehej sërish

"Po vij" më tha
dhe unë veten e dëbova
Si e si që pranë meje
drojë të mos kish
Por ajo nuk erdhi....
Që vetja e përzënë
s'do kthehej sërish

Fragment nga poezia "Shume e desha"
Kahraman Tazeoglu 

Shqip
S.K.

Lavinia

Ty nuk do të të them "Mos ik!"
Vish xhaketën time nëse ke të ftohtë
Çastet më të bukura të ditës ecin me vërtik
Gjatë tyre të lutem pranë me qëndro

Ty "Mos ik!" nuk do të thërras
Prapë ti e ke ne dorë qëndrimin
Nëse do gënjeshtra, të tregoj me thasë
Veçse ato mbartin zhgënjim

Ty "Mos ik!" nuk do të të them
Por ti prapë qëndro Lavinia
Emrin mes rrjeshtash do të ta fsheh
Dhe ti mos e kupto Lavinia


Özdemir Asaf

Shqip
S.K.

Dashuria

Ti je qytetërim mes shkretetirës së stërmadhe
Në oqeanin e pafund je peshku më i rrallë
Herë me gaz, herë me lotë, herë të djeg, herë të ngrin
Ti je njëkohësisht sëmundje dhe shërim.

Ozdemir Asaf

Shqip
S.K.

Dikush pret

Nese ke ndermend
t'i shkosh prane me vrap
dhe pastaj te stepesh
per te hedhur vec nje hap,
atehere hic mos u nis
...........mos u nis vertet
Keq nuk eshte per ty,
por per dike qe aty po pret.

Özdemir Asaf

Shqip
S.K.