Duhet të dish që

Duhet të dish që:
Diplomat e varura në mur
nuk mjaftojnë për ta bërë njerinë njeri

Duhet të dish që:
Sa më shume të përdoret,
aq më shumë i zbehet kuptimi fjalës dashuri

Duhet të dish që:
Vijën mes moslëndimit të tjetrit
dhe mbrojtjes së asaj cka beson,
s’është aspak e lehtë
ta gjesh saktë se nga kalon

Duhet të dish që:
Mes miqsh të vërtetë nuk hyn largësia
As mes dashurive të tilla

Duhet të dish që:
Familja, cdo kohë, pranë nuk të gjëndet
Dashurinë, besimin dhe vëmëndjen
edhe nga ata që s’i ke farefis i mëson
Familja nuk është biologjike gjithmonë

Duhet të dish që:
Nganjëherë nuk mjafton të falësh të tjerë
Duhet të mundesh
të falësh edhe vetveten ndonjëherë

Duhet të dish që:
Sado të të lotojë zemra dhe sytë
Bota nuk do ta ndalojë rrotullimin për ty

Duhet të dish që:
Cdo problem fsheh një shpresë brenda vetes
Dhe në prani të shpresës,
problemi gjithnjë shkurtabiq mbetet

Duhet të dish që:
Dashurinë, po të duash,
sa hap e mbyll sytë e humbet
Pendimi, edhe po të duash,
nuk të shqitet për shumë e shumë vjet

Can Yucel (Xhan Jyxhel)
Shqip
S.K.

Saimir Kamberi ©