Vlen

"Mos u merzit, S'ja vlen"
U lodha se degjuari kete fjali
Per ata qe s'ja vlen nuk merzitem zaten
Cka me merzit eshte fakti
qe per sado pak kohe
ata qe s'ja vlen zemra ime i mbajti.

Cemal Sureya

Shqip
S.K.

Ndezur

Ke ftohtë e dashur?
Eja! Në krahët e mi një vënd po të zë.
Aq shumë shpirtin ma ke djegur
Do ngrohesh e tëra, të ftohtë s'do ndjesh më.

Cemal Sureya

Shqip
S.K.

Në shijen e puthjes

Një poezi
Duhet të shkruaj vec një poezi
që erën e malit ta ketë rimë
dhe pikat e shiut frymëzim

Një ditë
Duhet të mbetet vec një ditë
nëse mbrapa do ngelet
një shije puthjeje në buzët e mia

Dhe në shijen e puthjes
duhet të jetë dhe poezia.

Ahmet Uysal

Shqip
S.K.

Kudo

Po kerkoja per dashuri
Kudo
Po kerkoje per dashuri
Kudo
Por dy "kudo" te ndryshme
s'mund te kete

S.K.

S'e thote dot

Dikush "te dua" thote
sepse permendsh e ka mesuar
Dikush s'e thote dot
se vertet ka dashuruar

Can Yucel

Shqip
S.K.

Stacioni i dashurise

U takuam

ne vendin qe premtuam

Por jo ne te njejtin mengjes

Une mberrita

njezet vjet me pare dhe prita

Ndersa ti me njezet vjet vonese

Jam plakur

tashme ty duke te pritur

Ti e re ngaqe me le te pres.

Aziz Nesin

Shqip

S.K.

Ti je dehja ime

Ti je dehja ime
qe veten ma ka marre.
As ta marr nuk mundem
as s'dua ta marr.
Me koken e rende si varr
me rrobat perbaltur
me gjunjet e care
kah fari yt vezullues
veten terheq zvarre.

Nazim Hikmet

Shqip
S.K.

Merak

"Njeriut,
cfarëdo lloj gjëje në jetë
i vjen nga meraku" thonë të vjetrit
Bukuri!
Unë po filloj të kem merak per ty
e ti eja, më mos prit!

Cemal Süreya

Shqip
S.K.

Vetmi

Qesh,    dhe bota me ty qesh e luan
Qaj,       dhe vetem do mbetesh ne vaj
Se kjo toke e motshme trillet i merr hua,
por i mjaftojne hallet e saj

Kendo,      dhe malet thejne heshtjen
Psheretij,   dhe tretet me nje fryme
Jehonat ngerthejne zerat e hareshem,
por tkurren ne thirrjen plot trishtim

Ngazellehu,  dhe te gjithe tek ty vijne
Lengo,          dhe te tere te lene pas
Gatiten te ta perpijne kenaqesine,
por mjerimin kurrkush s'ta qas

Gezohu,     dhe miqte i ke te zjarrte
Brengosu,  dhe te gjithe i humbet
Askush s'ta refuzon veren e nektarte,
por vrerin e jetes duhet ta pish vete

Festo,    dhe plot e perplot i ke sallonet
Agjero,  dhe bota te kalon perbri
Fito dhe jep. Te ndihmon ne jete,
por te vdesesh s'te ndih njeri

Ne sallat gazmore ka vend te majme
edhe per trenin ekspres te lindjes,
por rradhe teke duhet te mbajme
ne skuten e ngushte te dhimbjes


ELLA WHEELER WILCOX

Shqiperoi nga anglishtja
S.K.
 ©

Unë shumë qesh

Mos i vë re fjalët e zymta që shkruaj!
Unë shumë qesh.
Dhe që e qeshura është trup i huaj
askush s'e merr vesh.

Cemal Süreya

Shqip
S.K.

Sa keq

Sa keq kur njeriu mes zemrës dhe mendjes
në udhëkryq mbetet.
Sa keq kur ndodhet vetëm një çast pranë,
por një shekull larg endet

Sa dhimbje kur njeriu, atë çka diti,
nuk e shprehu dot
"Une" tha, dhe heshti
"Ti" tha, dhe syri iu perlot

Nazim Hikmet Ran

Shqip
S.K.

Ah sikur

Ah sikur te ruaja vetem pak pjese
nga lumturia e madhe e femijerise.
Ta fshihja e ta kisha per te tilla kohe
Duhet here pas here jo per gje...

Cemal Sureya

Shqip
S.K.

Të mendosh për ty

Të mendosh për ty është lumturi,
është shpresë,.... është jetë.....
Është si të dëgjosh këngën më të bukur
nga zëri më i ëmbël në planet.

Por tashmë shpresa mua
deri këtu më mjaftoi.
Të dëgjoj këngë nuk dua.
Dua të këndoj.

Nazim Hikmet Ran

Shqip
S.K.

Folu për mua

Do hyjnë, do dalin....
"Si unë s'të do askush"
do të të thonë...
Atyre folu pak për mua...

Anonim

Shqip
S.K.

Ditën që të vjen liria

Në ditën që të vjen liria
është e ndaluar të vdesësh.

Cemal Sureya

Shqip
S.K.

Ironia Dibrane

Trevat e tjera Shqiptare i thurin kenge heronjve lokale (Mic Sokolit, Cerciz Topullit, Jakup Ferrit etj.), Dibranet ia thurin Hajredin Pashes. Kaq pak mjafton per te kuptuar ironine Dibrane

S.K.

Fjalë e mitur

Nuk i beson dot askujt ?!
C'është kjo fjalë e mitur?
Nuk ka dicka të tillë më saktë.

"Nuk i beson dot askujt,
ngaqë dikujt i besove dikur"
doje te thoje në fakt.

Aziz Nesin

Shqip
S.K.

Bukur më mbaj mend!

Bukur më mbaj mend!
Këta janë rrjeshtat e fundit...
Mendomë si erë që rend e rend
dhe për pak kohë nga jeta jote fryu...
Ose si një rrëke shiu
që vrullshëm u mblodh në rrugicën tënde
e më pas toka e përpiu...
Ika përhumbtazi...
Ndoshta isha një ëndërr për ty.
U zgjove, hape sytë dhe
aq e pata unë i ziu....
Të lutem bukur më mbaj mend!
Sepse të desha, cdo gjënë tënde
Me ty u bëra mik, i ngushtë
Qave në krahët e mi
Cdo mangësi tënden s'ta thashë dot në sy
Dhe tani që e mendoj...mirë bëra
Më mërzite, por nuk t'u zemërova
Isha mësuar me të tëra...
Të lutem bukur më mbaj mend....

Kahraman Tazeoglu

Shqip
S.K.

Por

Gjithmone ti kishe
"Ty te dua por..."et e tua.
Ndersa une gjithnje
"...por une ty te dua"

Cemal Sureya

Shqip
S.K.

Udhëtim në ty

Kam dëshirë te bëj një udhëtim në ty
Vajtje vetëm......ku s'pihet duhani
Prema një biletë që të con në zemër
Dua të ulem nga ana e xhanit

Cemal Sureya

Shqip
S.K.

Vlere

Ndoshta ai eshte aq i cmuar

sa te vleje cdo gje per ty.

Por edhe ti s'je aq e lire

sa te mos vlesh asgje per te.

Cemal Sureya

Shqip

S.K.

Një dashuri e këtillë

Mbi kraharorin tim
fryma jote e lagësht
herë iken herë vjen...

Ne të dy nuk shtrihemi bashkë
As nuk jetojmë
Ne jemi ne garë
se cili nga ne 
vdekjen do ta vrasë më parë

Can Yucel

Shqip
S.K.

Ndryshim

Një kafshë e hollë e gjatë

veten përplaste mbi gur.

C'të ketë vallë kafsha e ngratë?

Ndoshta inat, ndoshta lengatë,

ndoshta për të dhënë shpirt kërkon qivur.

"Jo zotëri"- më foli nje zë i thatë.

-Kafsha thjesht po ndërron lekurë.

Keshtu e shpjegojmë kete zemëratë.

Ehh... Edhe ne i ndërronim klasat dikur...

Can Yucel

Shqip 
S.K.

Nuk është çështje mendsh

"Po të sillesha ndryshe, ndoshta do më donte..."
mos ta dëgjoj përsëri.
Sa ndryshe kujton se u soll ai kur ti re në dashuri?
Nuk është aspak çështje mendsh kjo punë
Po e deshi zemra, çdo gjë tjetër ka marrë fund.

Cemal Süreya

Shqip
S.K.

...

Ditet qe te njoha ty...

Cilat dite ishin ato?

E cuditshme si ndryshon aq shpejt njeriu

Shume e larget duket pjesa para teje

Edhe kujtimet sikur i ke marre mesysh

Erdhe ne tavoline, u ule dhe..

Jeten si Krisht ma ndave ne dysh

Cemal Sureya

Shqip 

S.K.

Nuk harrojnë

Që femrat nuk harrojnë kurrë,
s'është aspak e vërtetë
Kur janë të detyruara
ato çdo gjë mund të harrojnë
Por se çfarë harruan....
s'e harrojnë kurre në jetë

Küçük İskender

Shqip
S.K.

Nese

Braktisjet aq te rendesishme s'do te ishin
nese s'do linin zbrazeti te pamundura per t'u mbushur
Edhe largimet me te gjata aq padurim s'do kishin
nese do fillonin nga vendi me i bukur

Te qash nuk eshte e turpshme aspak
nese pika e lotit nga thellesia e shpirtit te vjen
Vjedhja nuk ta perskuq fytyren flake
nese zemren e dikujt rremben

Nga dashuria s'ka asgje per t'u trembur
nese para saj njeriu do hiqte cdo lekure
Nuk do ndrydhte aq shume zemra zeri i njohur
nese ne ate vend nuk do degjohej me kurre

Perqafimet e ngurta shume shpejt do harroheshin
nese s'do mbeshtilleshin me aq dashuri
Syte e medhenj geshtenje ne vagellim do kridheshin
nese s'do bartnin sadopak cmenduri

* * * * * * * * * * *

Pas ikjes tende vetem do te mbes....
Nga vetmia nuk kam frike ne fakt
Po sikur te me vije deshira per te te shtrenguar duart fort e dashur?

Ke do merrte malli per djersen e pellembes tende?
Kush do te donte te zgjatej gishtave te tua
nese nje te shkuar te mrekullueshme vertet
me ty s'do ta kishte perjetuar?

Fragment nga poezia "Nese" e Can Yucel

Shqip
S.K.

Bashke

Bashke do bejme gjithcka e dashur.
Bashke do ndajme cdo mekat
Rakine ne nje gote e dashur
Mohimin me nje goje
Epshin ne nje shtrat.
Vetem per dicka kam frike e dashur
Po sikur ne ferre te ndryshme te na cojne?

Kucuk Iskender

Shqip
S.K.

Mos ik

Vetmia shume e meson njerine
thone te motshmit.
Por ti prape mos ik!
Une i pagdhendur le te mbetem.

Nazim Hikmet

Shqip
S.K.

Yalnızlık çok şey katarmış insana 
ama sen gitme ben cahil kalayım.

Miqtë

Miqtë janë si lumenj të rrjedhshëm
Dikush vjen rrëmbimthi, dikush paqësisht.
Tek dikush duart lajmë vetëm.
Tek dikush shpirtin tërësisht.

Can Yucel

Shqip

S.K.

Dostlar ırmak gibidir 

Kiminin suyu az, kiminin çok 

Kiminde elleriniz ıslanır yalnızca 

Kiminde ruhunuz yıkanır boydan boya 

A mund ta ndash?

Ti me mua turravrapin mes reve bardhoshe
Ti me mua takimin ne ndarjen e parakohshme
A mund ta ndash?

Gonxhen qe cel kur rrezen e diellit nuhat.
Jeten qe lulezon ne shtratin e perroit te thate
Token qe cdo mbremje zgjon vetmine
Gjethen qe gezon nje hije cdo agim.
Me mua a mund ta ndash?

Ti me mua aromen e shiut kur bie
Cicerimen e harabelit ne dritare
Kafazin e zogut qe kerkon hije
ne pellemben enderrimtare.
Me mua a mund ta ndash?

. . . . . . . . . . . . . . . . . .

Nurullah Genç

Shqip
S.K.

Dy rrugë

Dy rrugë m'u ndanë në një pyll vjeshtak
T'i shihja të dyja s'kisha mundësi
Përpara tyre qëndrova gjate...
Me sy ndoqa njërën larg
se si përhumbej në drizëri.

Pastaj vështrova udhën tjetër
dhe ndoshta nisa ta admiroj
se ish me bar dhe e paprekur,
megjithëse gjurmët lënë ndër shekuj
e kishin regjur po njësoj.

Te dyja atë mëngjes më bene prite
me gjethe që s'i kish shkelur hap.
Te parën e lashë për tjetër ditë,
ndonëse dyshoja që perënditë
këtu do të më sillnin prapë.

Ditët, vitet rrodhën lumë
Tani s'e fsheh dot psherëtimën
Dy rrugë m'u ndanë në pyll dhe unë....
une zgjodha atë me me pak gjurmë
dhe kjo e bëri gjithë ndryshimin.

Robert Frost

Shqip
S.K.

© Saimir Kamberi

Çdo gjë fshihet në ty

Je e rëndë aq sa toka të tërheq

E lehtë aq sa krahët fëshfërijnë

E gjallë aq sa zemra të troket

E re aq sa sytë shohin largësinë

Je e mirë aq sa ata që ke dashur

E keqe aq sa ata që ke urryer në jetë

Çfarëdo ngjyre pastë syri e faqja 

Ajo çka sheh tjetri përballë është ngjyra jote e vërtetë

Mos i mbivlerëso ato çka ke jetuar

Sa të rrosh, aq më shumë fundit i afrohesh

Sado vite të kesh mbi shpinë

Jeta zgjat aq sa të dashurosh

Je e lumtur aq sa mund te qeshësh

Aq sa do të qash............e trishtë

Dhe mos mendo që çdo gjë mbaroi

Për çdo ngashërim, një ditë do të qeshësh sërish

Në lindjen e diellit ndodhet vlera që të dha natyra

Dhe ti je njerëzore për aq vlerë sa tjetrit i jep

Nën driten e hënës ndodhet malli për të dashurin

Dhe aq mall sa të ndjesh, me të aq afër je

Nëse një ditë do të thuash gënjeshtër

Aq sa te kenë besim tek ty, lëri ta besojnë

Mos harro! Je e njomur aq sa shiu të lag

E ngrohtë aq sa rrezet e diellit të lëmojnë

Je vetëm aq sa veten të vetmuar ta ndjesh

E fortë aq sa veten të tillë ta ndjesh

E bukur aq sa.....

*****

Ja pra kjo është jeta!

Për aq kohë sa mban mend këto, do të thotë se jeton

Në të kundërt do fishkesh për çdo frymë që merr

Dhe do harrohesh aq shpejt sa tjetrin e harron

Lulja është e bukur aq sa vaditet

Trumcaku i dashur aq sa cicëron

Femija, aq sa qan, i vogël

Dhe ti e ditur aq sa mëson

Mëso edhe këtë!

Do dashurohesh aq sa dashuron.

Can Yucel

Shqip

S.K.

Saimir Kamberi ©

Eja

Me vete merr vetmine dhe eja!
Nuk do te merzitemi, droje mos ki.
Vetmia jote me timen do flasin.
Ne heshtim perseri.

Aziz Nesin

Shqip 
S.K.

Çdo femër

Çdo femër
është pak qiell
pak lule
pak lodhje
pak freski.
Është pak muzg
pak jetë
pak ëndërr
pak imagjinatë.
Por mbi të gjitha 
është "Nënë"
Dhe sa shumë
i shkon për shtat....

Aziz Nesin

Shqip
S.K.


Origjinali:

Her kadın,
biraz gökyüzüdür,
biraz çiçek.
Biraz yorgunluktur,
biraz serinlik.
Biraz hayaldir kadın,
biraz hüzün.
Biraz hayattır,
ama daha çok,
‘annedir’ kadın.
Ne de çok yakışır..

As tjetër njeri

Të vështirë e kam "Ku je?" kur më thua
Në një vend të cuditshëm ndodhem tani
Nga këtu as ty s'mund të të dua
Përvec teje, as tjetër njeri

Kahraman Tazeoğlu

Shqip
S.K.

jetoni per vete

Ju lutem lereni kete togfjaleshin "vdes per ty"
Ne fillim, te jetoni per vete mesoni
Pastaj vdisni per te tjeret sa te doni

Can Yucel

Shqip
S.K.

Nga zemra

...Nuk kisha ne xhep
Nga zemra i dhashe...

Nazim Hikmet Ran


Shqip
S.K.

mund

Syte e tu mund te flasin ndoshta
Por une nuk di syisht
Une di qetesisht
Xhentilisht
Pafajesisht

Cemal Süreya

Shqip S.K.

Origjinali

Belki de konuşuyordur gözlerin; 

ama ben gözce bilmiyorum ki;

sessizce biliyorum,

usulca biliyorum,

masumca biliyorum..

Shik

Femra
qe eshte
femer
gjithmone shik
duhet te jete
Ecja
Qendrimi
Qeshja
Veshtrimi
........
dhe ikja madje !

Cemal Sureya

Shqip
S.K.

Për herë të parë

Për herë të parë 
në jetën time
"kujdesu për veten"
më tha dikush

E kish kuptuar 
me sa duket
që unë po i mbaja
zemrën bojëprush

Cemal Süreya

Shqip
S.K.


Origjinali
Hayatımda ilk kez birisi bana "Kendine çok dikkat et" dedi sadece. 
Anlamış onun kalbini taşıdığımı herhalde